تصدقي ملعونة برضه!!!!

أنا عملت الموضوع ده وانا طمعانه ان ربنا يغفر لي ويغفر لنا جميعا غفلتنا
عن حاجه مهمه جدا بالشكل ده
مسأله حياة او موت بس احنا في منتهى الاستهتار
الموضوع ده عشان كل اللي بيضحك عليها ويتقالها هننضف بس
ولا اللي بتدي ودنها للكوافيره اللي هي بعد الضهر بتشتغل شيخه
ولما تحب تريح من المحل بتعمل مفتيه
وتقولك:
النمص ده اللي يشيل حواجبه ويرسمها انما انت (يا حبة عينها) هتنضفي بس
(وكانها هي هتشيل وزرك(
واي وزر
بصي معايا

رقم:2 - 7/صفر/1430 - 2\2\2009

لا تشترِ لعنة الله بشعيرات تأخذيها من حاجبيك

اللعنة ! ما هي اللعنة !؟

إنها الطرد من رحمة الله عز وجل!

اسمعي قول نبيك صلى الله عليه وسلم :
"لعن الله النامصة والمتنمصة"

سُئِلَ الشيخ عبد العزيز بن باز رحمه الله تعالى:
ما حكم الأخذ من شعر الحاجبين أو تخفيفهما؟ فكان الجواب: لايجوز الأخذ من شعر حاجبيك أو التخفيف منهما. وذلك لأن من يفعل ذلك عوقب باللعنه من الله عز وجل.

فالنمص من الكبائر سواء كان نتفاً أو قصاً.
أختاه فكري جيداً،وهل نحن نحصل على الجنة إلا برحمة الله.
هذا سؤال أرجو أن تجدي له جواباً ؟؟؟؟؟؟

أختاه من لك سوى الله
إلى من تذهبين ؟ وإلى من تلجئين ؟ في يومٍ تتقلب فيه القلوب والأبصار.
اعلمي أخيتي أنك لن تفري من الوقوف بين يدى الله يحاسبك على كل ما فعلته.

فاتقي الله يا أخية. حتى تجدي السعادة في دنياك وآخرتك.
:::::::::::::::::::::::::
منقول عن موقع
بلغوا
http://www.balligho.com/nisaa.htm

الف شكر على الموضوع

تسلمي يا حيبتي على مرورك
Wink

شكرا على الموضوع

بس ممكن سؤال

طبعا حرام انى اخفف

حواجبى او انى اغير في شكلها

بس مش حرام انى اشيل
اللى فى منتصف الحواجب

حتي لا يلزقون ببعضهم

ويصبحون حاجب واحد

وايضا بعض بسيط جدا من فوق الحاجب يعنى اعلاه

وتحته حتى لا تكون سميكة

طب انتي خليتي ايه بقى يا ست ايما
من النص\وشوية من فوق
وشوية من تحت
ورقصني يا جدع
ماهو دة اللي احنا بنقوله
ربنا قال مافيش نمص
يبقى خلاص مافيش نمص
( وقالوا سمعنا واطعنا)
مش سمعنا واطعنا والنص وتحت وفوق يا ايما

جزاك الله خيرا يا ندود بجد
كنا لسة بنتكلم في الموضوع دة

لالالالالالالالالالا

مينفعش اعمل زى صحبتى حاجب واحد

وسميك اوى انا مشعرة جدا ومينفعش خليت ايه خليت كتيير

ميييينفعش يعنى ايه يبقوا حاجب واحد

لا طبعا

لا طبعا لا طبعا

مش فاهمة حاجة يا ايما

يعنى انا مشعره مش هينفه معملش

صحبتى فى المدرسة اسمها نهى مشعره برده

بس اكتر منى بكتير

من كتر ما هى مشعره ماعندهاش حاجيبين عندها حاجب واحد

وانا مش عايزة ابقى كده ده ضرورى اعمل حواجبي دى انا مش هسيب نفسي كده وزى

ما ربنا قال ان فى كام حاجة كده مفروضي على البنات زى الايد والرجل والشنب وكده يعنى

برده قال الحواجب
بس عدم التغيير فى شكلها وانا مبغيرش فى شكلها

ماهو دة اللي احنا بنقوله يا حجة

عارفة في حاجة بتستفزني اوي
لما تيجي تكلمي واحد نامصة عن النمص

تقولك اعوذ بالله انا بس بنضفهم

يا سلااااااااااااااااااام واللـــــــــــــــــــــــــــه
وتفضلي تعيدي وتزيدي معاها
وهي راكبة دماغها

يا حجة مفيش حاجة اسمها تنضيف
لا لا لا هما مرسومين اصلا انا مش برسمهم

يا ستي اي حاجب بيتضف بيبقى مرسوم يعني كلنا فجاة بقيت حواجبنا طبيبعية مرسومة
لا اصل انا هما كدة اصلا
انا باخد من تحت مش باخد من فوق

يا ست الحبايب دي لعنة انتي قدها؟؟؟؟
يوووووووووووووووه عليكم الدين يسر ولعن الله المتشبهات بالرجال مش كد برضه

ويستمر الجدل
فتلاقي نفسك بتقولى
انا لله وانا اليه راجعون
البت دي اكيد دة مش كلامها
دي راكبها جووووووووووووووووووووووووووست
وهو اللي بيقول كدة
وتمشي وتسيبيها

ههه

بقولك ايه قفلى انا

مصممه خلاص

انا جبتهالك من الاخر

مش حرام وماما اللى قيلالى

احنا بنعمل الطراطيف

اللى على الطرف يعنى

بس مش اكتر

وخلاص انا مصممه

وبدام انا مصممه يبقى مش هتقدرى تقنعينى

ماشى

انتي هتتضربيني يا ياسمين ولا ايه
ياستي كل واحد حر
وكل واحد هيتحاسب لوحده
واي واحد ممكن يبيع الجنه عشان الدنيا
بس مش اي واحد ممكن يبيع الدنيا عشان الجنه
اللي فاهم الموضوع صح بس هو اللي بيبع الدنيا ويشتري الجنه
وكل واحد حر في حياته يا ست البنات
ان شاء الله حتى تشيلي شعر راسك نفسه

ههههه

لا مش هضربك اضربك ليه يعنى

هو انا اتكلمت بعصبية اوى كده

ينكن عالعموم مش قصدى

متزعليش

لوسي ممكن تدخلى على الدردشة دقيقة

يا ايما يا ست البنات
في نقطه مهمه قوي انت قولتيها ولازم اراجعك فيها
ان ماما قالت مش حرام
هل ماما قالت ده عشان ماما مفتى الديار المصريه
لو بتحبي ماما بجد
يبقى بلاش تشيليها ذنب انها اطلقت فتوى دون وجه حق
وزي ما لوسي ما ذكرتنا بقول الله
"سمعنا وأطعنا"
وصدقيني لما تكبرى هتعرفي ان عمر ما الحواجب كانت مشكله قوي عشان الواحد يجيب اللعن لنفسه
الحاجه الاهم
ابقى اسالي شيخ ياايما في موضوع ما بين الحاجبين يتشال ولا لا
وعمرى في حياتى ما شفت شيخ بيقولك انه حلال نشيل شعرايه واحده من فوق الحاجب او من تحته
عالعموم استفتي في الامر عشان ممكن تلاقي شيخ يبيح بدليل شرعي الشعر اللي بين الحاجبين لكن اتحداكى تلاقي شيخ "زي ماما كده" بيتقى الله يبيح انه ننتف من تحت الحاجب شويه ومن فوقه شويتين
استفتي شيخ يا ايما وبلاش نمشي ورا هوا النفس