موضوع: رد: ايه السؤال اللى مش بتحب حد يسألهولك الأربعاء أغسطس 13, 2008 5:21 am
مش عارفه والله يا بيرو هي مجموعه اسئله الحقيقه بعد تفكير عميق اكتشفت انه انا مابحبهاش من ناس معينه يعني مثلا في ناس انا ماحبهمش يسالونى مرتبك كام فعلا لانهم على وجه الخصوص مش طيبي النفس مش لاي سبب تانى والله لانى العادي بتاعى مفضوحه في كل حته وفي اسئله من الاخ جوزى تحديدا الاسئله بتاعه التحقيق اتاخرتى ليه ركبتي ولا لسه واحيانا ببقى مش عايزة ازور حد معين مش كراهيه فيه بالعكس بس مودي مش جاي على خروج وعايزة اريح في البيت عشان مطحونه طول الوقت وتلاقي الاسئله والتحقيق اللي بيتفتح ومايتقفلش غير وانت واقعه في كام كدبه عشان ماتزعليش حد على فكرة سبب كراهيتنا للاسئله انه هنضطر نكدب وبجد انا كارهه انه حد يحرجنى او يوجهنى ناحيه اجابه مش صادقه انت عارفه انه دينيا مفترض نترفق في الاسئله مع الناس عشان ما ندفعهومش للكذب والرسول عليه الصلاة والسلام محذر من السلوك ده شكرا على سؤالك يا جميل ولو افتكرت اسئله تانيه بكرهها هاقولك
موضوع: رد: ايه السؤال اللى مش بتحب حد يسألهولك الأربعاء أغسطس 20, 2008 12:38 am
السؤال اللي انتي سالتيه دة ههههههههههههههههههههه
لا هو فعلا زي ما الاخت حلواني كدة قالت انه في عدة اسئلة بس حاليا انا مش فاكرة حاجة بس هو فيه سؤال انا بكرهه اوي لما حد يقولك بــــــــــــــــــــــــــــــــــــــجــــــــــــــــــــــــــــــــــد بحس ان انا عايزة اديله على بوزو يعني احيانا بيكون السؤال بدافع الصدمة واحيانا تانية بيكون بدافع عدم التصديق اهو الحالة التانية دي اللي بتبقى عايزة حوار البوز دة
بس في الغالب هي فعلا الاسئلة اللي بتختلف من شخص لشخص وطريقة السؤال كمان بس موضوع ظريف يا شملولة
السبت يناير 14, 2012 1:36 pm من طرف رندووووووش
