يمكن العنوانا مش مهم بس الموضوع اهم بكتير

دا اول موضوع ليا فى شملولة وحبيت ان يكون مميز
انا عايزة الشماليل كلها تيجىوتسمعنى وتفهمى
انا مش هطول الكلام عليكم بس انا عايزة
تقولوا مشاكلكم مش عارفين تحلوها ولو كانت مشقادرين تقولوها ادام عيلة الشماليل ابعتولى رسالة
خاصة وانا هحلها باذن الله ومش هعرف حد حاجة
وزى مابنتكلم على مشاكلنا نتكلم عن فرحنا انا عارفة انفى كل انسان مشكلة مش قادر يقولها
بس انا بينا عيلة
وانا بطلب من الست شملولة انها تعمل شات للموقع علشان كلنا نتكلم مع بعض
هبدأ بنفسى انا مدمنة رقص بس مش شرقى هيب هوب وبريك دانس طبعا عارفين يعنى اية
حاولت اكلم بابا وماما علشان يودونى مدرسة للرقص بس هما رفضوا
فقولت انا هعلم نفسى والفكرة جتلى من فيلم على رقص الشوارع
وكبرت الحكاية فى دماغى واتعلمت شوية ولسه بتعلم
طبعا دى مش مشكلة بس انا حاولت اقول الى جوايا وانتو يلا قولولنا على الى جواكم والشماليل هتقول وهتقرر
يارب تكون عجبتكم فكرتى ويلا عايزين نشوف المشاكل والحاجات الى حصلت معاكم فرحتكم اواحزنتكم
سلام :[img]http://ww

مبدأيا مشكلتك غريبه شويه
لانها مش مشكله
يعني احنا بنقعد نتعلم في البيت
تاني حاجه يا ترى ايه المتعه في الهيب هوب؟
بس انا بحس ان الهيب هوب ده مش استايل بنوتة يعني
انا اسفه لو كلامي رخم شويتين
بس دي وجهة نظري
ان انتي ممكن تتعلمي حاجه تانيه تفيدك فيما بعد
بس موضوع الرقص ده حاجه غريبه شوية
وعلى موضوع الروم تشات ده
اتفضلي الرابط ده يا قمر
ده رابط روم تشات خاص بشملولة

https://shamlola.yoo7.com/montada-f10/topic-t1948.htm

مرسى اووى بس انا مش زعلان وانا قولت انا مش تعتبر مشكلة يعنى
بس المفروض منزعلش من بعض لان دا مجال حوار للجميع وبالعكس انا قررت اسيب الرقص لو اجمعوا الشمايل على كده علشان زى ما قولت مجال حوار للجميع وانا بشكرك اووى على علشان انتى بتقولى رأيك منغير خوف او خجل فى ناش مش شجاعة زيك
مرسى اووى cheers

انا بكتب غلط خالص سورى يا جماعة الكيبورد بتعلق

اية يا جماعة محدش عنده مشاكل ولا اية

انا عندي مشكله
بس هي مش مشكلتي هي مشكلة صديقتي
ان هي ليها صحابها
بيستندلوا معاها اوي
ساعة المصالح بيطلبوها
وساعة لما تكون هي محتجاهم بيحلقولها
لدرجة انها كانت من كام يوم محتجاهم جدا جدا
راحت واحده متصلة بيها
تقولها انا عايزاكي تقولي لي اعمل ازاي الموضوع ده في الكمبوتر
ومسألتهاش علي مشكلتها والله
نفسي احل المشكله دي للبنت
عشان بجد هي صعبانه عليا جدا

مش انا الى لازم ارد لوحدى بس انا هقول رأيى

اول حاجة هى بتحب صحبتها جدا اكيد علشان بتساعدهم لكن هما عايزنها لمجرد مصالحم وفى حلين
بالنسبة ليا ان هيا تعاملهم بنفس المعاملة الى بيعملوها بيها او تدور على صحاب بجد مش عايزنا علشان حاجة

ونشوف حلول المشاليل التانية

انا مشكلتى بسيطة اوووى

انا مش عارفة احط صور فى موضوع بعمل كوبى وباست مبينفعش قولولى

عشان انا مش خبيره في القصه دي
والصور والحركات
مش هاقدر افيدك قوي
انا مشكلتى اني مكسله جدا الفترة دي اعمل اي حاجه
يعني انا محتاجه اعمل حاجت لنفسي ومش عارفه انضف البيت وكسلانه اعمل حاجات خاصه في الشغل ماليش مزاج
ده انا حتى ماليش مزاج ارد عالتليفون
مش عارفه ده كسل ولا ايه

بوصى يا ستى انا كده برده بس لما بحس بكده بفتح البلكونة الصبح الفجر كده يعنى وبعد شوية

بعمل تمارين الصباح بعد كده بحس بنشاط غريب واقوم بقا افتح التلفزيون مثلا وانا بنظف او بعمل حاجة
بس نصيحة لازم تكون حابة الى انتى بتعمليه مش علشان مطلوب منك وخلاص

هو الى انا قولته مش الحل الامثل بس حاولى بس احنا لو مكناش فى رمضان كان زمان فى قهوه
وكابتشينو واغانى وحاجات مطرقعة كده

نورتى الموضوع

باى باى

هو صحيح الموضوع مش في مكانه خالص بس مش مشكلة
هزبط انا الموضوع دة
اما عن مشكلتك يا رانيا
فهي مشكلة كبييييييييييييييييرة جدا جدا جدا
مش علشان بابا وماما رفضوا الرقص
لا علشان انتي عايزة تتعملي الرقص
معلش يا رانيا
اعتبريني اختك الكبيرة
واسمعي مني الكلام دة
في ناس بتتقتل وناس مش لاقية تاكل وناس مش لاقيه تلبس وناس وناس وناس
بصي كدة لاطفال غزة وفلسطين
وانتي تعرفي يعني ايه مشكلة بجد
الاطفال دول ليهم حق يعيشوا حياتنا زي ما احنا عايشينها
وطول ما احنا كدة عايشين في الرقص والاغاني والافلام
عمر ما الاطفال دي هتقدر تعيش
ولا عمر الاقصى هيرجع تاني لينا
ولا عمر القرآن هيحكمنا من تاني
تخيلي لو كان سيدنا محمد صلى الله عليه وسلم عايش وسطنا
كنتي هتقوليلي انا عايزة اتعلم الرقص وبابا وماما مش راضيين
مش معنى كدة انه الدين خنقة
او انه اموت نفسي علشان فلسطين
لا الدين امرنا اننا نرفه عن نفسنا بس بحاجة صح
يعني احنا بنخرج وبنكلم اصحابنا وبنعلب وبنضحك وبنسافر وكل حاجة
طالما دي مش حاجة غلط
اسألي ماما ليه رفضتي اني اتعلم الرقص
صدقيني لما تسمعي كلامها
هتقولي ايه اللي انا كنت عايزاه دة
واسفة لو كنت ناشفة شوية في كلامي

عندك حق فى كلامك بس انا الى غبية بردو ازاى يعنى اطلب حاجة زى دى

وانا فعلا لازم اسألهم هما رفضوا لية

متقوليش على نفسك غبيه
لان الواحد بيجيله لحظات كده
وبيجي على باله افكار غريبه
ومنيلة
وربنا يهدينا