منتدى شملولة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شملولة

منتدى للفتاة والمرأة العربية
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» حتـــــــــه فوكيــــــــــــره مطرقعه مووووووت للمطـــــــرقعين وبسسس
فكرة ايجابية Icon_minitimeالسبت يناير 14, 2012 1:36 pm من طرف رندووووووش

» خلطة لتخسيس عشرين كيلو فى شهر واحد
فكرة ايجابية Icon_minitimeالأحد يوليو 24, 2011 5:53 am من طرف زائر

» فنجان كيك ... حلى بسيط بالصور
فكرة ايجابية Icon_minitimeالإثنين يوليو 04, 2011 5:32 am من طرف زائر

» رساله طالب علمي الي حبيبته
فكرة ايجابية Icon_minitimeالإثنين يونيو 27, 2011 1:11 pm من طرف mero

» شعر حزين جدا
فكرة ايجابية Icon_minitimeالإثنين يونيو 27, 2011 1:03 pm من طرف mero

» جميع الحلويات الشرقيه
فكرة ايجابية Icon_minitimeالخميس يونيو 09, 2011 5:09 am من طرف mero

» ملف كامل للعنايه بالشعر
فكرة ايجابية Icon_minitimeالخميس يونيو 09, 2011 4:56 am من طرف mero

» حكموامثال ومواعظ
فكرة ايجابية Icon_minitimeالثلاثاء يونيو 07, 2011 10:24 am من طرف mero

» حكم وامثال ومواعظ
فكرة ايجابية Icon_minitimeالثلاثاء يونيو 07, 2011 9:46 am من طرف mero

» تقولى اية للى فى بالك.....
فكرة ايجابية Icon_minitimeالثلاثاء مايو 24, 2011 5:18 am من طرف زائر

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
أفضل 10 أعضاء في هذا المنتدى
p!nk girl - 3403
فكرة ايجابية Emptyفكرة ايجابية Emptyفكرة ايجابية Empty 
Sweety - 2755
فكرة ايجابية Emptyفكرة ايجابية Emptyفكرة ايجابية Empty 
الست شملولة - 2678
فكرة ايجابية Emptyفكرة ايجابية Emptyفكرة ايجابية Empty 
prettyangel - 2376
فكرة ايجابية Emptyفكرة ايجابية Emptyفكرة ايجابية Empty 
ندى حلوانى - 1985
فكرة ايجابية Emptyفكرة ايجابية Emptyفكرة ايجابية Empty 
nour.2010 - 1633
فكرة ايجابية Emptyفكرة ايجابية Emptyفكرة ايجابية Empty 
bero - 710
فكرة ايجابية Emptyفكرة ايجابية Emptyفكرة ايجابية Empty 
mory - 621
فكرة ايجابية Emptyفكرة ايجابية Emptyفكرة ايجابية Empty 
شيمو - 426
فكرة ايجابية Emptyفكرة ايجابية Emptyفكرة ايجابية Empty 
lolo2000 - 378
فكرة ايجابية Emptyفكرة ايجابية Emptyفكرة ايجابية Empty 

 

 فكرة ايجابية

اذهب الى الأسفل 
كاتب الموضوعرسالة
prettyangel
Admin
Admin
prettyangel


عدد الرسائل : 2376
العمر : 34
العمل/الترفيه : طالبه جامعيه
المزاج : confused
اعلام الدول : فكرة ايجابية Female31
دعائك ربنا يكرمك : فكرة ايجابية FP_04
السٌّمعَة : 20
نقاط : 12991
تاريخ التسجيل : 09/07/2008

بياناتي
بياناتي: 7

فكرة ايجابية Empty
مُساهمةموضوع: فكرة ايجابية   فكرة ايجابية Icon_minitimeالخميس فبراير 17, 2011 12:17 am

نفسك تسمع حاجه تخلى كل حياتك تتغير؟؟؟
(اقروها للاخر مهمه ومفيده جدا)
أنا بافكر في فكرة عبقرية و محتاج مساعدتكم فيها ..
إيه رأيكم نقعد كده زي (تنابلة السلطان ) منعملش أي حاجة في حياتنا ومايبقاش لينا أي لازمة
يعني لا نشتغل و لا نذاكر ولا نتعب نفسنا خالص
نت باين عليكم كده ولاد حلال و بتسمعوا الكلام فأنا (هاسوق فيها ) و اقوللكم على حاجة كمان
عاوزين كمان اللي يجوع أو يعطش .. ماياكلش ولا يشرب
و اللي يعيا (يمرض يعني) مياخدش دوا.
- فيه إيه بس يا عم .. و أنا اللي باقول عليكم طيبين و هتسمعوا كلامي
- نسمع كلام مين يابني .. إنت باين عليك اتجننت
- اتجننت ليه بس .. طيب فهمني أنا غلطت في إيه ..
- إنت شايفني مختوم على قفايا (زي هيت مان) ولا راكن الفيل على باب البيت ؟؟
إزاي يعني الكلام اللي بتقوله ده .. إزاي الواحد ميشتغلش ولا ياكل ولا يشرب .. أمال نعيش إزاي

- خضيتني يا كابتن .. كنت فاكر إنك هتقول حاجة صعبة معرفش أرد عليها
إنت كل اللي همك يعني إنك هتعيش إزاي .. بسيطة .. يعني إنت جيت في جمل .. ولا في فيل ؟؟

بكل بساطة .. لما تكون عاوز فلوس .. أو عاوز أكل أو شرب .. اطلب من ربنا و استنى ربنا يجيبلك اللي انت عاوزه

إيه مش عاجبك ؟؟؟

اعترضوا بقى على كلام ربُـنا


- لا طبعا مش هنعترض على كلام ربنا .. بس ربنا ما قالش كده .. ربنا جعل لكل حاجة سبب .. يعني عشان ربنا يرزقنا لازم ناخد بالأسباب و نشتغل .. و بعد ما ناخد بالأسباب .. نتوكل على ربنا و ربنا هيرزقنا
مش ربنا بيقول فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ) الملك 15

- طب ما انت حلو اهو و حافظ الآيات كمان ..


أمال اشمعنى يعني لما بنيجي نقول يا جماعة عاوزين نتوب و نرجع لربنا بتقول لي :


إن شاء الله لما ربنا يهدينا .. ادعيلنا يا عم الشيخ

اشمعنى دي مش بناخد فيها بالأسباب

- امممممممممم .. اصــــــــــــــل


-يا عم أقعد بقى ..ده انت منظرك بقى وحش خالص قدام الأعضاء ..

و فرحان بس

-مش يا عم الشيخ ربنا هو اللي بيهدينا برضه ؟؟

-دلوقت بقيت عم الشيخ ..؟؟

ما علينا ..


أيوة طبعا ربنا اللي بيهدينا



و ربنا برضه هو اللي بيرزقنا


و هو اللي بيشفينا


اسمع كده كلام سيدنا ابراهيم في سورة الشعراء :


(الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79)
وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81)
وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ)

يعني زي ما هدايتنا بإيد ربنا ..


برضه رزقنا و أكلنا و شربنا و شفاءنا ..

و كل حاجة بإيد ربنا سبحانه و تعالى

يبقى زي ما بناخد بأسباب الرزق بإننا نشتغل ..

و بناخد بأسباب الشفاء بإننا نتعالج

لازم ناخد بأسباب الهداية بإننا نتوب و نطيع ربنا

-بس يعني دايما اللي بنسمعه ..
مثلا الممثلين اللي بيتوبوا .. في يوم وليلة بيتحولوا من قمة الفساد لقمة الهداية

أومثلا فلان الفلاني حصل له موقف ..
أبوه مات في حادثة ..

واحد صاحبه اتحرق ..

اخوه انتحر ...

و بعدين حياته كلها بتتغير 180 درجة و بيبقى (إنسان جديد)

-واضح إنك بتتفرج على سبيس تون كتير

الممثلين اللي بتقول عليهم دول .. إنت بتشوف قصتهم من آخرها

انما هما بيمروا برحلة مجاهدة كبيرة .. يمكن أكبر من اللي انت ممكن تمر بيها بكتير
و بيضحوا بالشهرة و الفلوس و بيتعرضوا لانتقادات كتير ..
و بيتعبوا

يعني مش يوم و ليلة ولا حاجة

ثم هو يعني سيادتك مستني حاجة من الحاجات دي تحصل لك عشان تتوب



مين يا عم قال الكلام العجيب ده



ما هو ده اللي خلاني أتكلم معاك النهارده



إن الشيطان راسم عندك صورة في دماغك ..

إنك هتسمع كلمة أو يحصل لك موقف ..

هتنام بالليل (هوووووووب) تصحى تلاقي نفسك الإمام البخاري



و الفكرة دي هي نفس الفكرة العبقرية اللي انا قلت عليها فوق

إننا نستنى الرزق يجيلنا لوحده من غير ما ناخد بالأسباب



ربنا بيقول في الحديث القدسي

( إذا تقرب العبد مني شبرا تقربت منه ذراعا) صحيح البخاري



أول حاجة إيه .. (من تقرب إلي شبرا)



يعني لازم إنت تاخد خطوة ..

شبر بس ..

هتلاقي ربنا بيسهل لك التوبة و بيتقرب إليك اكتر



أهم حاجة إنك...

تبدأ

و تاخد الخطوة دي



إنما هتفضل واقف كده مستني الهداية تنزل عليك من السما



مستني لما يحصل لك موقف مؤثر



أو تسمع درس أو خطبة يأثر فيك جامد



أو واحد يقول لك كلمة (تهزك )



أو مستني لما أخوك ينتحر



يبقى خليك مستني ..



هتلاقي أخوك برضه مستنيك تنتحر عشان يتوب هو كمان





لازم إنت اللي تاخد الخطوة و تجاهد نفسك




ربنا بيقول :

(وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ) العنكبوت 69




يعني لازم تجاهد و تشتغل لربنا عشان ربنا يرزقك الهداية


اتفقنا ؟؟؟

======================



الرسالة اللي عاوز أوصلها من الكلام اللي فات باختصار (عشان اللي مش بيحب الرغي)

إن مفيش عصاية سحرية .. هتخلي الواحد يتغير مرة واحدة و يتوب و يبقى من أولياء الله الصالحين

الموضوع محتاج مجاهدة و صبر ..

و لازم و انت ماشي في طريقك لربنا هتقع .. و تقوم .. و تبتلى ..

فكل المطلوب منك إنك تاخد الخطوة و تحاول تقرب لربنا


و ده هيجرنا للكلام عن حاجة تانية ..

إن البعض بيقول .. إن أنا مش همشي في طريق ربنا دلوقت .. لأن دي مسؤلية كبيرة أنا مش قدها !

و أنا لو التزمت دلوقت هاسئ للمتدينين و للدين عشان أنا عارف نفسي مش هعرف أثبت .. و هرجع تاني

فانا هستنى لحد ما أصلح شوية حاجات كده .. عشان لما أتوب .. أتوب (على نضيف)

و ده من أشهر مداخل الشيطان

و رده بسهولة إنك تعرف إنك مش مطلوب منك تبقى معصوم من الذنوب

و محدش من الناس الملتزمين اللي انت بتشوفهم ولا حتى المشايخ معصوم من الخطأ

اسمع كلام حبيبك صلى الله عليه و سلم

(كل ابن آدم خطاء و خير الخطائين التوابون)

فانت مش مطلوب منك إنك تكون معصوم

المطلوب إنك تتوب لما تخطئ ..




مش انك تبدأ (على نضيف) و تفضل كده على طول !!!!

اكييد هتقع فى الوسط

بس متخافش ربنا مش هيسيبك

يالا توكل على ربنا وتوب دلوقتى من كل ذنوبك

ومبارك عليك توبتك
الرجوع الى أعلى الصفحة اذهب الى الأسفل
http://www.shamlola.yoo7.com
 
فكرة ايجابية
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى شملولة :: الفئة الأولى :: شملولة العام :: اللهم ارزقني الجنه :: شملولة الدعوية-
انتقل الى: